RGPD - Cookies
Deportes Destacados

A selección galega masculina superou con facilidade a Gran Bretaña en Vigo

Galicia necesitou 40 minutos para definir a realidade do seu balonmán e da futura selección olímpica de Gran Bretaña, que utilizará esta serie de amigables para rodarse cara á fase clasificatoria do Europeo 2012, en Londres (Crystal Palace) en tres semanas fronte a Chipre, Estonia e Bulgaria (10 ao 12 de xuño). Galicia, sen dous Asobal como Sergio Cid (disputando a Copa vasca) e Víctor Vigo (ausente por cuestións persoais), tivo no vigués Rafa Dasilva (Teucro) á súa referencia xeral, aínda que o equipo estivo por baixo nos primeiros minutos, grazas ao visitante Prieto.

No oitavo minuto de xogo, Pedro Rodríguez puña aos de Teixeira por vez primeira por diante (5-4) e os galegos xa non cederían. Custoulles defender a un conxunto rápido nos primeiros compases. Logo, Galicia soubo correr, distribuír o seu ataque co maior rendemento e defender moito mellor a un rival que sacou un recurso táctico perfecto pero que se desmoronou xusto tras remontar (do 16-13 a 17-16). Teixeira, seleccionador local, pegoulles una cantos berros aos seus xogadores, Galicia espertou e os británicos afundíronse. Este sábado, segundo encontro, no pavillón de Gatañal (Cangas) ás 19:00 horas e con entrada gratuíta e merecida homenaxe a Alejandro López. Teixeira recupera a Cid e Vigo.

Nembargantes, a selección feminina non tivo sorte no primeiro partido do III Memorial Tito Pispieriro. O combinado dirixido por Abel Estévez atopouse cun durísimo rival, Euskadi, que gañou con facilidade por 19 a 34. Galicia botou en falta ás xogadoras da máxima categoría, que non puideron estar nesta oportunidade. No partido amigable entre Gran Bretaña e Catalunya o equipo inglés foi superior e gañou por 30-25.

Ficha técnica:

Galicia (12+22): Javier Díaz, Cerillo Fernández (1), Pedro Rodríguez (4, 1p), Iván Infestas (2), Pablo Hervello (2), Rafa Dasilva (6), Dani Benaches (1) –sete inicial-, Rodrigo Corrales (ps), Alberto Salgado (3), Adrián Rosales (4, 1p), Javier Carrera (4), José Antonio Varela (2), Víctor Frade (1), Iago Cuadrado (2) y Serafín Pousada (2). Adestradores: Fran Teixeira e Alejandro López.

Gran Bretaña (11+11): Bob White, Ciaran Williams (1), Sebastian Prieto (3), Martin Hare (2), Steve Larsson (2), Mark Hawkins (4), Chris McDermott (4) –sete inicial-, Nicholas Satchwell (ps), Merlin Braithwaite, Chris Mohr (3), Huw Goodwin (1), Alex Girvan, Robin Garnham (2) e Sebastien Edgar. Adestrador: Bill Baillie.

También te puede interesar