Destacados Vigo al día

O Concello quere expulsar a metade das gaivotas

Un ano máis, o Concello acaba de abrir a campaña de control da colonia de gaivotas coa que se retiran ovos a petición cidadá no 010 como de oficio en zonas de nova expansión, todo para rebaixar as molestias producidas aos cidadáns e para rebaixar á metade o número de exemplares, que en Vigo se eleva a mil parellas. Polo momento xa se atenderon 55 chamadas para a retirada de ovos dos niños dentro da campaña que durará do 15 de maio e o 17 de xuño, época previa á eclosión.

A maioría das chamadas atendidas este ano responden a molestias producidas pola agresividade dos animais en época de cría e porque os niños atascan algunha canalización nos edificios. Mentres, se actuará de oficio en zonas de expansión da colonia que os biólogos detetaron en Teis, Sanjurjo Badía, a Travesía de Vigo, o Calvario e Balaídos e os novos asentamentos identificados na Doblada, Guixar, na ETEA e no suroeste de Coia.

Ademais das 1.000 parellas rexistradas en Vigo, nas Illas Cíes refúxianse outras 3.000 parellas, o que representa máis da terceira parte das presentes en toda a fachada atlántica entre Rotterdam e Portugal. O ano pasado retiráronse 272 niños, 267 ovos, 118 polluelos feridos e 92 exemplares adultos a petición dos cidadáns.

También te puede interesar