Cheo absoluto. Tanto o X Forum FISU que se celebrará do 21 ao 26 de xuño, como o XI Mundial de Taekwondo Universitario (do 29 de xuño ao 4 de xullo) contan con récord de participación tanto de países como de participantes. Dous eventos que terán unha importante repercusión deportiva e sobre todo económica para a cidade que coincidirá coa xuntanza da Conferencia de Decanos das Facultades de Ciencias do Deporte e un curso de verán sobre a innovación no taekwondo.
O Forum FISU celebrarase simultaneamente nos Centros Social e Cultural Caixanova e no campus universitario baixo a denominación ‘O deporte universitario, unha plataforma para o cambio’. Nel participarán arredor de 250 persoas entre estudantes e membros das distintas comunidades universitarias, das que 23 serán españolas. Ademáis, agárdase a participación de 75 países diferentes dos que 59 xa formalizaron a súa inscripción. Durante 6 días falarase dos plans estratéxicos do deporte universitario, do liderato feminino, do seu recoñecemento académico e da importancia de concienciación medioambiental a través do deporte e da educación.
Pola súa banda, o Mundial de Taekwondo reunirá a máis 400 deportistas de 42 países durante case unha semana no pavillón das Travesas, onde celebraranse todas as probas. Unha marea para a cidade que estará completada con adestradores e delegacións oficiais de cada país, así como árbitros e acompañantes. Entre as novidades, que cada competidor poderá participar en técnica e en combate, polo que se estaría falando «de dous campionatos nun».
