RGPD - Cookies
Comarcas

As praias de Portomaior e Agrelo, en Bueu, cambiarán de cara

A praia de Portomaior.
A praia de Portomaior.

O Ministerio de Medio Ambiente xa aprobou o proxecto de acondicionamento e protección das praias de Portomaior e Agrelo, en Bueu, que nestes días será remitido ás administracións afectadas (Concello e Xunta) para que poidan aportar as observacións necesarias xunto cos cidadáns. A aprobación definitiva podería producirse a finais de este ano, ao que habería de sumarlle os 10 meses que durarán as obras.

Cun orzamento de 2,9 millóns de euros, retranquearase o paseo marítimo e o vial de circulación existentes, creando un novo paseo e carril de circulación de sentido único para os coches. Ademáis, construirase un novo paseo peatonal de 3 metros de ancho para dar continuidade ao existente desde a praia de Agrelo ata a praia de Loureiro e un paseo de madeira pilotado no tramo final da praia de Portomaior. Tamén se habilitará unha zona de aparcamento e espazos libres de uso público e faranse traballos de drenaxe, estructuras, señalización e balizamento, redes de servizo (auga, eléctrica e telecomunicacións), alumeado público, moviliario urbano (bancos de granito, papaleiras de fundición, duchas, lavapés, zona de xogos infantís, mesas e bancos de madeira), xardinería e reposicións.

También te puede interesar