RGPD - Cookies
_agenda Agenda

Aforra cartos cando vaias ao volante

Se queres facer un uso máis racional do coche e ter un novo estilo de condución co que aforrar ata un 15% de combustible sen diminuir a velocidade media e reducir a contaminación ambiental, o concello de Tui ten preparado para ti un curso de condución eficiente o vindeiro 24 de maio. Con monitores expertos, intentarase tamén aumentar a seguridade viaria e o confort que poderá comprobarse cunha proba práctica antes e despois da sesión teórica.

A actividade, gratuita, será no Telecentro do Edificio Área Panorámica en catro quendas (10, 12, 16 e 18 horas) cun máximo de 8 alumnos que terán a súa disposición un vehículo con medición de consumo. Durante o curso farase un percorrido que conte coa maior parte dos elementos representativos da circulación (cruzamentos, rotondas, vías de dobre sentido, pendentes en subida e en baixada, etc.) e nas que a aplicación dunha ou outra técnica achegan diferenzas en consumo.

Para participar inscribete na Biblioteca Municipal de Tui ou a través de correo electrónico a [email protected] indicando os datos persoais, DNI e teléfono de contacto. Ademais, os participantes deberán levar orixinal e fotocopia do carnet de conducir o día do curso.

También te puede interesar