Creará unha comisión xurídica composta por profesionais da xustiza para dotar de garantía xurídica todo o proceso. A plataforma Queremos Galego comezará a recoller sinaturas para evidenciar o apoio social á Iniciativa Lexislativa Popular rexeitada pola Mesa do Parlamento, ademáis de outras medidas legais e sociais: estudiarase interpoñer un recurso de amparo ante os tribunais contra esta decisión.
Una proposición de lei por iniciativa popular posta en marcha por nomes senlleiros da vida cultural e social de Galicia (Manuel Rivas, Yolanda Castaño, Margarita Ledo ou Kiko da Silva, entre outros) e que «pretende garantir plenamente a posibilidade de uso do galego dos cidadáns perante a adminisración galega» desenvolvendo o establecido na Lei de Normalización Lingüística e na Carta europea de linguas minorizadas.
A admisión a trámite desta proposta de lei non implica a súa aprobación, senón que marca o inicio dun periodo de recollida de sinaturas ata conseguir 15.000 para levar a proposta a debate ao Parlamento galego. As perto de 700 entidades que conforman a plataforma Queremos Galego seguirán realizando «accións de defensa da nosa lingua» e comezarán coa recollida de firmas coma se faría se a iniciativa estivera admitida a trámite.
