RGPD - Cookies
Comarcas Vigo al minuto

Cantos somos para pasalo tan ben

A comparsa 'Cantos somos' levou o primeiro premio.
A comparsa 'Cantos somos' levou o primeiro premio.

Ninguén quixo perderse a festa en Tui. Miles de persoas ateigaron as rúas polas que transcorreu o Concurso-Desfile de Entroido, da que a comparsa tudense ‘Cantos somos’ foi a gañadora absoluta da tarde co seu ‘Asistiranos este santo?’.

Unha representación na que se mesturaba a sátira política local, coa fusión das caixas galegos e o Xacobeo inspirou a esta veterana comparsas tudense na súa representación na que levaban peregrinos de toda índole e idade, acompañados dunha representación dunha parte da Catedral co bispo, o botafumeiro e o ‘Santo’, neste caso particular e un pouco irreverente.

'O Borraliño' tamén levou o primeiro premio por carrozas.
'O Borraliño' tamén levou o primeiro premio por carrozas.

O segundo premio foi para Borraliño de Soutelo cunha magnífica representación medieval na que non faltou o castelo, a corte e as loitas; e o terceiro correspondeu a ‘A piratería Somalí’ da Asociación ‘O Mosteiro’ de Pexegueiro, cunha parodia dos ataques piratas.

Outras categorías

Na categoría de carrozas o castelo de Borraliño de Soutelo, con almenas abatibles para poder pasar por baixo do alumeado, levouse o primeiro punto. O premio estivo moi reñido quedando segundo a carroza dun avión de guerra do grupo de Rebordáns ‘Polo puto aire’ cunha magnífica recreación da que incluso se tiraron tres paracaidistas. O terceiro premio correspondeu ao barco de pesca da Piratería Somalí.

En acompañamento musical o primeiro premio foi para ‘Cantos Somos’ de Tui, o segundo correspondeu a ‘Piratería Somalí’ e o terceiro correspondeu á ‘Festa medieval’ da Asociación Cultural ‘A Insua’ de Caldelas.

Os paracaidistas de 'Polo puto aire' levaron o galardón á parodia.
Os paracaidistas de 'Polo puto aire' levaron o galardón á parodia.

Este ano creouse amais o premio de ‘Parodia’ buscando recuperar o espírito do Entroido tudense. Nesta categoría o primeiro premio foi os paracaidistas de ‘Polo puto aire’ de Rebordáns, o segundo correspondeu a ‘O Borralliño de Soutelo’ pola súa representación medieval, e o terceiro para foi para ‘Cantos Somos’.

O accésit de 100 euros foi parar a ‘Os Macanudos’ de Gondomar, a ‘Luces’ de Tomiño, a ‘Homenaxe a Michael Jackson’ da Asociación Cultural Santa Columba de Ribadelouro e á Revolución Show de Tomiño.

A próxima cita será o domingo no Enterro do Bacallau.

También te puede interesar