Núñez Feijóo prometeu en plena campaña electoral que os pais poderían elexir de xeito vinculante a lingua na que os seus fillos recibirían as materias troncais e a que os alumnos puideran empregar o idioma que quixeran tanto na clase como no material que utilicen, nos libros, nos traballos e nos exames. Case un ano despois esa medida aínda está no aire, así que a asociación Galicia Bilingüe instou ao presidente do PP, Mariano Rajoy, a que lle meta prisa ao presidente autonómico.
O colectivo considera que o borrador do decreto presentado o 30 de decembro non cumple con esas promesas que lle valeron tantos votos así que enviou unha carta a Rajoy na que lle recorda que no decálogo de prioridades e valores que acaban de aprobar os populares hai un artículo relacionado co valor da palabra dada, das promesas.
