A. Buendía | vigoalminuto
O Porriño investirá máis de 260.000 euros nunha nova fase de mellora da rede viaria municipal, con actuacións en rúas, camiños e espazos veciñais tanto no casco urbano como nas parroquias. Os traballos, cun prazo estimado de execución de catro meses, buscan mellorar a seguridade viaria, a mobilidade e a accesibilidade.
En total, o investimento supera os 188.500 euros das obras agora adxudicadas, aos que se suman máis de 70.000 euros destinados a actuacións xa executadas. O plan abrangue Cans, Atios, Abelenda, Mosende e San Diego, ademais da rúa Coruña, no núcleo urbano.
O alcalde, Alejandro Lorenzo, visitou xunto ao responsable de Vías e Obras, Ramón Porto, os traballos do camiño da Torre, en Atios, que están a piques de rematar. A intervención afecta a 325 metros de vía e supón un investimento de 30.000 euros. «Xestionar non só é inaugurar, senón manter», sinalou o rexedor, que defendeu estas actuacións como un investimento en seguridade e conectividade veciñal.
Asfalto novo e melloras nos accesos
As intervencións inclúen:
- a renovación de 729,30 metros cadrados na rúa Coruña, onde tamén se instalará nova sinalización vertical
- en Cans, un camiño de terra de 325 metros cadrados será asfaltado e contará con sinalización e pintado
- no camiño de Atios-Rocha renovarase o firme nunha superficie de 414 metros cadrados
- mentres que en Abelenda os traballos abranguerán outros 264 metros cadrados
O plan tamén reserva actuacións para dous espazos de uso comunitario. No campo da festa de Mosende-Costeira reorganizarase a zona central e melloraranse os accesos ás vivendas. O proxecto contempla pavimento asfáltico na área de circulación, formigón nos accesos, lousas de granito gris arredor da capela de Santa Leocadia e novas zonas verdes con árbores e arbustos.
No campo da festa de San Diego, os traballos afectarán a uns 750 metros cadrados. Renovarase o firme da zona de aparcamento e mellorarase a drenaxe para facilitar a evacuación da auga, mediante novas cunetas, canles e colectores.
O Concello enmarca estas obras nunha liña de intervencións destinada a manter e mellorar as infraestruturas municipais. «E seguiremos euro a euro, parroquia a parroquia», concluíu o alcalde.
OuTraS NoVaS
- La Diputación exige a Caballero el proyecto del Mundial y el BNG cuestiona gastar 107 millones en Balaídos
- Dos trabajadores heridos al ceder parte del forjado de un edificio en obras en García Barbón
- O Concello do Porriño acomete obras en accesos, camiños e aparcadoiros de cinco parroquias
- La Xunta enfría el Mundial en Vigo por la falta de proyecto, plazos y de un acuerdo para reformar Balaídos
- Las pensiones volverán a subir en enero: el Gobierno anuncia cuándo aprobará el aumento
