Sucesos | Redacción/ Imaxe: Garda Civil
Un camión que transportaba preto de 180 porcos envorcou este luns pola mañá na N-120, ao seu paso pola zona da Carballeira, no concello ourensán de Nogueira de Ramuín. O condutor do vehículo resultou ileso.
O accidente produciuse arredor das 07.40 horas, segundo informou o 112 Galicia. Foi un particular quen alertou dos feitos e comunicou aos servizos de emerxencias que o camioneiro xa se atopaba fóra do vehículo.
O impacto provocou que varios dos animais saísen do camión e caesen nun río próximo, onde algúns morreron afogados. Outros porcos resultaron feridos como consecuencia do accidente.
Ata o lugar desprazáronse efectivos de Urxencias Sanitarias de Galicia-061, da Garda Civil e da Garda Civil de Tráfico, dos Bombeiros do Polígono de San Cibrao das Viñas e do GES do Pereiro de Aguiar, ademais dos servizos de mantemento da estrada.
Os equipos de emerxencias traballan na zona para retirar os animais e o camión accidentado e restablecer as condicións de seguridade na vía.
OuTraS NoVaS
- Dani Dicostas, la única gallega del Benidorm Fest 2027, entre La Casa Azul y el Primavera Sound
- Preocupación tras detectarse o serotipo 8 da lingua azul nunha granxa de vacas de Ourense
- Carlos Leiro recoge el premio de la ONCE a una campaña que lleva 18 Navidades repartiendo juguetes
- Los expertos reunidos en Vigo advierten: el sarampión vuelve a ser una amenaza en España
- Tres años esperando una vivienda: 15 personas siguen en un asentamiento chabolista de la ciudad
