O Concello da Guarda prohibiu temporalmente o baño na praia da Armona despois de recibir unha comunicación da Consellería de Sanidade na que se informa de que a última mostra de auga recollida neste areal presenta niveis de contaminación microbiolóxica superiores aos límites establecidos pola normativa.
A medida entrou en vigor este xoves, 10 de xullo, e ten como obxectivo garantir a seguridade e a saúde das persoas usuarias da praia. O Concello xa procedeu á sinalización da prohibición, que permanecerá vixente ata novo aviso.
Segundo explicou a administración local, a restrición manterase ata que se coñezan os resultados da contraanálise e se confirme que a calidade da auga volve situarse dentro dos parámetros permitidos para o baño.
O Concello informou de que seguirá a evolución da situación en coordinación coa Consellería de Sanidade e comunicará o levantamento da prohibición en canto se certifique que a auga reúne novamente as condicións sanitarias esixidas.
Mentres permaneza activa esta medida, recoméndase á cidadanía respectar a prohibición e evitar o baño na praia da Armona para previr posibles riscos para a saúde.
OuTRaS NoVaS
- O BNG propón duplicar o recargo do IBI ás vivendas baleiras de Vigo e elevalo ao 150% para grandes propietarios
- Grande Amore, teatro y música improvisada: seis planes culturales para este fin de semana en Vigo
- Convocada en Vigo una vigilia por Maricarmen y contra la especulación inmobiliaria
- El Cunqueiro tratará tumores y lesiones digestivas complejas con técnicas que pueden evitar operaciones
- La Guardia Civil detiene en Cangas a un hombre con más de 5,5 kilos de hachís y cocaína
