A folga prevista no servizo de recollida do lixo do Porriño quedou suspendida tras o preacordo alcanzado entre a empresa concesionaria e os sindicatos, despois de varias semanas de mediación impulsadas polo Concello.
Segundo destacou o goberno local, aínda que o conflito laboral correspondía exclusivamente ás partes implicadas, o Concello decidiu intervir para favorecer o diálogo e evitar o impacto que un paro de cinco días podería ter na salubridade das rúas e na prestación dun servizo esencial.
Neste proceso, o alcalde do Porriño, Alejandro Lorenzo, mantivo diversas reunións tanto coa empresa concesionaria como cos representantes sindicais ata conseguir un compromiso que permitiu desconvocar a folga.
«En xeral é unha boa nova para a cidadanía do Porriño e tamén para os traballadores», sinalou o rexedor, quen amosou a súa satisfacción por un acordo que, segundo indicou, evita a interrupción do servizo e supón unha mellora das condicións salariais do persoal.
«Estou satisfeito porque isto supón poder evitar unha folga e tamén poder mellorar os salarios dos traballadores e traballadoras nun servizo que non se vai interromper», afirmou Lorenzo.
O alcalde tamén quixo agradecer tanto á empresa concesionaria como á plantilla «o achegamento de posturas» que fixo posible acadar un principio de acordo e poñer fin ao conflito antes do inicio da folga.
OtRaS NoTiCiAs
- Detenidos tres empresarios de Ponteareas, Vigo, y Mos el presunto desvío de 30 toneladas de cobre de Telefónica
- Samil suma otro derribo: el Concello prepara la demolición total de San Remo
- Hallado muerto junto al puente de Rande el vecino de Redondela desaparecido desde el lunes
- Alianza pola Vivienda cuestiona al alcalde por rechazar el mercado tensionado “¿por qué no quiere aplicar una medida positiva para los inquilinos?”
- Renfe refuerza los trenes a Galicia con más de 1.000 plazas adicionales durante el puente del 12 de octubre
