Un incendio forestal declarado a madrugada pasada no concello ourensán de Punxín permanece activo e afecta, segundo as estimacións provisionais da Consellería do Medio Rural, a unhas tres hectáreas de superficie.
O lume obrigou a interromper temporalmente a circulación ferroviaria na liña convencional entre Santiago de Compostela e Ourense, concretamente no tramo comprendido entre Santa Cruz de Arrabaldo e Maside. Con todo, Adif confirmou que o servizo xa foi restablecido e os trens volveron circular con normalidade.
Segundo explicou a Consellería do Medio Rural, a suspensión do tráfico ferroviario non se debeu a danos nas infraestruturas, senón que foi unha medida preventiva destinada a facilitar os labores de extinción e garantir a seguridade dos efectivos despregados na zona.
O incendio iniciouse ás 02.09 horas e,cando redactabamos esta información continuaba activo, polo que os equipos de emerxencia seguen traballando para controlar o avance das lapas.
No operativo participan actualmente catro axentes, oito brigadas e cinco motobombas, que desenvolven tarefas de extinción sobre o terreo para evitar que o incendio siga avanzando.
As autoridades manteñen a vixilancia sobre a evolución do lume mentres continúan os traballos para lograr a súa estabilización e posterior control.
OUTRAS NOVAS
- El Concello de Vigo lanza una advertencia sobre la reventa de entradas de Castrelos: podrías quedarte sin acceder al concierto
- A Xunta cede gratis ao Concello de Vigo a antiga estación de autobuses, tras anos de disputas
- «No va a sacar ni un concejal»: Caballero arremete contra Luisa Sánchez por la crisis de vuelos en Peinador
- Cuatro días buscando a Carmen: desapareció en Lugo y SOS Desaparecidos activa una alerta de alta vulnerabilidad
- Volverá a llover este viernes, tendremos nubes el sábado y el sol estará de vuelta el domingo
