As obras de desmonte no acceso ao Colexio Chano Piñeiro continúan executándose a bo ritmo, segundo informou o Concello de Gondomar. Os traballos arrancaron coincidindo co período de vacacións escolares de Nadal, unha decisión consensuada previamente coa comunidade educativa para evitar interferencias no normal desenvolvemento das clases.
A actuación céntrase na eliminación do noiro existente, unha intervención considerada necesaria polos técnicos municipais co obxectivo de previr posibles desprendementos de terra cara á vía pública. Deste xeito, preténdese reducir calquera risco potencial tanto para as persoas viandantes como para o tráfico rodado que circula pola zona.
Paco Ferreira, alcalde de Gondomar realizou unha visita de supervisión ás obras, acompañado polo xefe accidental da Policía Local. Durante o percorrido, avaliouse o estado de execución dos traballos e avanzouse na coordinación das medidas de seguridade que deberán adoptarse mentres se desenvolve a intervención.
De forma paralela, o Concello está a deseñar un dispositivo especial de seguridade e regulación do tráfico que se activaría no caso de que as obras non estean rematadas antes do inicio do curso escolar.
Otras noticias
- Nueve detenidos en una operación contra dos células de narcotráfico con cocaína, armas y tabaco de contrabando
- Recta final del Petisquiño en Vigo: estas son las tapas que optan a la gran final
- Críticas a Carmela Silva tras negarse a unha reunión coa Alianza pola Vivenda, alegando a súa proximidade ao BNG
- Redondela pide revisar el plan del Puerto y proteger el litoral de Chapela y Rande
- Última oportunidad en Vigo: Maldita Nerea cambia las reglas del directo
