A Deputación de Pontevedra ofrece a próxima semana unha nova batería de obradoiros prácticos da Rede SmartPeme+, pensados para axudar a pemes, autónomos e persoas emprendedoras a mellorar a súa competitividade dixital.
Outras novas
- Huelga en la recogida de basura de O Porriño: los trabajadores anuncian cuatro días de paro en julio
- Los mejores planes del fin de semana en Vigo: cine en Castrelos, teatro, conciertos y el Gran Guateque de O Calvario
- Sánchez tacha de «indecente» la declaración de Patricia Rodríguez y el PSOE acusa al PP de actuar por «desesperación»
- Pintar bajo la ría de Vigo: así será el singular taller de acuarela del observatorio Nautilus
- El Reggaeton Beach Festival cancela toda su gira de 2026 y deja sin celebración la cita prevista en Nigrán
🛡️ Ciberseguridade
• Luns 22 (12:00 h.) – “Ciberseguridade VI – contas online: mantenas a salvo”, organizado pola oficina de Barro. A sesión abordará a seguridade no uso de contas e servizos dixitais, unha das principais preocupacións do tecido empresarial. O asesor Manuel Tornos, con máis de trinta anos de experiencia en novas tecnoloxías, analizará boas prácticas e aplicacións habituais para protexer a información na rede. Inscricións AQUí
• Martes 23 (12:00 h.) – “Ciberseguridade VII – correo electrónico e mensaxería: protexe as túas comunicacións”, tamén coordinada pola oficina de Barro. Este último obradoiro do itinerario de ciberseguridade centrarase no uso seguro do correo electrónico e das aplicacións de mensaxería, co obxectivo de evitar ameazas como o phishing, a suplantación de identidade ou as fugas de datos. Inscricións AQUí.
🏨 Turismo dixital
• Luns 22 (17:00 h.) – “Motores de reservas para empresas turísticas” a través da oficina de Vigo. Ter instalado un sistema de reservas e dispoñibilidade en liña na páxina web, fai que un negocio turístico aumente a súa visibilidade en internet, aforrando tempos e incrementando os beneficios. Da man de Patricia Cabaleiro, postgraduada en Turismo, as persoas participantes aprenderán a atraer máis turistas, que poderán reservar antes o seu aloxamento, actividades ou servizos turísticos, con total fiabilidade. Inscricións AQUí.
📊 Xestión de clientes (CRM)
• Martes 23 (17:00 h.) – “Como crear un CRM en Notion”. Nesta sesión práctica, Guillermo Nass, licenciado en Publicidade e especialista en márketing dixital, ensinará a crear un sistema completo de xestión de clientes utilizando a versión gratuíta de Notion, adaptado ás necesidades de autónomos e pequenos negocios. Un sistema sinxelo e gratuíto para organizar clientes, tarefas e orzamentos. Inscricións AQUí.
🎯 Márketing dixital
• Venres 26 (12:00 h.) – “Consegue máis conversións coa Landing Page perfecta”, organizado pola oficina de Pontevedra. Adrián Fernández, licenciado en Comunicación Audiovisual e con ampla experiencia en mercadotecnia en liña, explicará como deseñar páxinas de destino eficaces e que ferramentas empregar para mellorar as conversións e os resultados comerciais. Claves para deseñar páxinas que transformen visitas en clientes. Inscricións AQUí.
