A Xunta liberou esta fin de semana na zona dos Ancares, no límite entre Galicia e León, un exemplar de voitre negro que fora rescatado a mediados de outubro no feiral do San Froilán, en Lugo, e trasladado posteriormente para o seu tratamento e rehabilitación ao Centro de Recuperación de Fauna Silvestre (CRFS) do Veral.
Un ano de idade e 4,5 kilos de peso
O exemplar, un xuvenil de aproximadamente un ano de vida e 4,5 kg de peso, foi localizado nun estado moi feble debido á baixa temperatura corporal e a unha lixeira deshidratación, aínda que non presentaba fracturas nin feridas.
Tras ingresar no centro de recuperación de fauna dependente do Executivo autonómico, exemplar de voitre negro -unha especie cuxa presencia é pouco habitual en Galicia– de rapidamente mostras de recuperación e ás poucas horas comezou a alimentarse xa de forma autónoma.
Outras novas
- El Concello tendrá que pagar 4,58 millones al Puerto por incumplir su obligación con ‘Abrir Vigo al Mar’
- La Policía investiga la muerte del futbolista Jesús de Miguel tras el choque con el portero del Andorra
- Hijos de la Ruina reúne a Natos y Waor y Recycled J… las entradas ya están a la venta
- Luisa Sánchez reclama a Caballero los proyectos del Mundial 2030 antes de avanzar en la financiación
- Se hacía pasar por agente inmobiliario para estafar con alquileres turísticos en Sanxenxo
492 aves nun ano
A súa recuperación no CRFS do Veral -que só no que vai de ano tratou un total de 492 aves- cinguiuse ao tempo estritamente necesario para que a súa volta ao medio natural se realizase en condicións de subsistir por si mesmo no medio natural.
Para a súa liberación tivéronse en conta tanto as medidas hixiénico-sanitarias para evitar a introdución de enfermidades ou patóxenos no medio natural como as condicións ambientais.
