O Concello de Gondomar está completando distintas actuacións de cara a mellorar a mobilidade e accesibilidade, en diferentes lugares da vila. Así, no barrio de O Barco, na parroquia de Mañufe,vén de rematar a pavimentación integral da estrada, “unha obra demandada pola veciñanza debido á estreitez da vía, que dificultaba o paso de turismos e a entrada de vehículos de servizos básicos como reparto de butano ou mensaxería”, apunta o alcalde, Paco Ferreira.
A intervención inclúe un novo treito de estrada grazas á cesión voluntaria de parte dun terreo por un veciño, así como a construción dun muro de contención de pedra Porriño en zonas elevadas. O novo trazado permite que a vía sexa totalmente transitable, mellorando o acceso a diversas vivendas do barrio. A inversión aproximada foi de 55.000 euros.
Observatorio de Fauna de A Xunqueira
Paralelamente, o Concello ampliou e adaptou o Observatorio de Fauna de A Xunqueira, un espazo de divulgación ambiental. As melloras inclúen rampas adaptadas, paneis en Braille, siluetas en relevo, códigos QR con audioguías, bancos e caseta informativa.
Ademais, instaláronse paneis interpretativos centrados na observación de aves, que ofrecen información educativa e permiten a localización de puntos de interese mediante mapas interactivos. Estas medidas, subliñou Ferreira, “buscan facilitar a accesibilidade para todos os usuarios e reforzar a función educativa e de lecer do observatorio”.
Outras novas
- Loli Rodríguez gaña o Premio Torrente Ballester 2024 con Nailía, a súa segunda novela
- El BNG de Vigo exige a la Xunta que rectifique la “estafa” del nuevo centro de Salud Olimpia Valencia
- Caballero: “Rueda, el PP y el Bloque, se unen en contra de la Facultad de Medicina en Vigo”
- Vigo lidera las movilizaciones del 25N en una Galicia volcada contra la violencia machista
- Gondomar mellora a accesibilidade en Mañufe
O alcalde salienta que estas actuacións forman parte das accións impulsadas dende o Concello para mellorar as infraestruturas viarias e os espazos públicos, aumentando a seguridade, a accesibilidade e a dispoñibilidade de recursos educativos para a cidadanía.
