A Deputación de Pontevedra deu este luns un paso destacado na promoción turística das Rías Baixas coa chegada da campaña Cando volves? á Gran Vía de Madrid, un dos espazos con maior tránsito e proxección da capital. O deputado de Turismo Rías Baixas, Jesús Vázquez Almuíña, presentou a acción no Teatro Capitol acompañado polo alcalde de Madrid, José Luis Martínez-Almeida.
Desde hoxe e ata o 30 de novembro, o anuncio da campaña estará visibel preto de 2.000 veces entre as 07.00 e a 01.00 horas, coincidindo cun período no que aumenta o interese por viaxes e escapadas curtas. Segundo destacou Vázquez Almuíña, esta acción permitirá acadar máis dun millón de impactos potenciais.
A Gran Vía, pola súa elevada densidade peonil e a presenza constante de visitantes nacionais e internacionais, “é o lugar idóneo para captar a atención dun público amplo e diverso”. O obxectivo principal é avanzar na desestacionalización e descentralización do destino, animando ás persoas viaxeiras a descubrir as Rías Baixas fóra da tempada alta.
Outras novas
- Balaídos da un nuevo salto: 800 asientos ya tienen fecha de instalación en la grada de Gol
- Las aulas del IES Pedro Floriani alcanzan temperaturas que obligan a trasladar alumnos
- El BNG anuncia acciones legales contra la decisión del alcalde de no comparecer en el Pleno sobre el accidente mortal del Saltamontes
- Un vecino escucha ruidos extraños y frustra un robo en una vivienda de Balaídos
- Cae en Tui un fugitivo al que buscaba la Interpol por un presunto homicidio
A campaña Cando volves? centra a súa narrativa no interior da provincia de Pontevedra, presentado como un territorio rico, acolledor e sostible. O audiovisual foi rodado en 40 localizacións de 23 concellos e ao longo do ano foi galardoado en festivais especializados de Xapón, Sudáfrica, Estados Unidos, España, Francia e Grecia.
