A Xunta de Galicia vén de iniciar as obras do novo treito da autovía Tui-A Guarda, entre o enlace do polígono de Areas e a PO-350, que discorrerá por Tui e Tomiño. María Martínez Allegue, conselleira de Vivenda e Planificación de Infraestruturas, visitou o inicio dos traballos, nos que a Administración autonómica inviste 17,8 millóns de euros e que teñen un prazo de execución de 24 meses.
A conselleira destacou que co arranque desta obra dáse outro paso para seguir avanzando nesta estrada AG-42: o tramo de actuación suma 3,2 quilómetros que dan continuidade ao treito de conexión da A-55 co polígono de Areas posto en servizo o pasado ano. Cada unha das calzadas terá 2 carrís de 3,5 m ancho, e a autovía contará con amplas beiravías tanto no exterior como no interior.
Ademais, entre outras actuacións, melloraranse camiños de servizo en Tomiño, ampliarase a ponte de pedra na PO-350, moi próxima ao enlace da autovía, que a día de hoxe non permite que se crucen dous vehículos pesados. E duplicarase o paso inferior de acceso ao polígono de Areas. “Polo tanto -afirmou Allegue-, este treito é clave tamén para facilitar o acceso e a mobilidade neste polígono, un enclave empresarial estratéxico”.
Tamén en vigoalminuto
- The Wild Cinema, cine ao aire libre, do 5 ao 7 de setembro, en San Miguel de Oia
Coa natureza e sustentabilidade como protagonistas - ¿Perro qué me dices?
Así será el nuevo parque canino de Barreiro - ‘Instagramers’ e ‘TikTokers’ aos 80
Veciños maiores do Porriño aprenden a concertar citas médicas, realizar compras e crear perfís co teléfono móbil
A conselleira subliñou que a autovía estase a executar “cunha planificación realista, por fases, que estamos a materializar”, avanzando de acordo a ese plan e ao trazado deseñado, dialogado cos principais axentes institucionais e económicos implicados.
