O pleno de Redondela debate na sesión extraordinaria deste mes o recoñecemento extraxudicial de 192.457,18€ de recibos pendentes. Trátase de facturas tramitadas no Concello a comezos deste ano e que non se puideron pagar de forma ordinaria, xa que correspondían a bens e servizos prestados en 2024. A lexislación establece que, para abonar eses pagos, debe aprobarse no Pleno da Corporación un recoñecemento extraxudicial de crédito.
A alcaldesa, Digna Rivas, pide «responsabilidade» aos grupos municipais de PP e BNG para sacar adiante a proposta –«tombada no pleno de maio por nacionalistas e populares e que os provedores poidan cobrar polos bens e servizos prestados».
Rivas afirma que «o 90% corresponden a provedores de Redondela e o resto a pequenas empresas e autónomos de Redondela», como as facturas dos taxistas polos traslados aos institutos do alumnado das parroquias que non ten transporte escolar. «Este transporte, malia ser competencia exclusiva da Xunta de Galicia, asumiuno o Concello tras un acordo co BNG». Tamén están pendentes de cobrar asociacións culturais polas actuacións realizadas en decembro dentro do convenio interparroquial.
Tamén en vigoalminuto
- La Xunta desaloja la Estación de Autobuses de Vialia y cierra el espacio donde dormían más de una docena de personas sin hogar
- La gran escalera de los Bomberos de Vigo ‘toma’ San Salvador para practicar un rescate en altura
- Vigo Porté abre este martes las inscripciones
- Vacuna de la gripe en Galicia 2026: fechas, quién puede vacunarse y qué cambia este año
- Tapiada por orden judicial una vivienda de la rúa Aragón, convertida en un punto de venta de droga
- Sánchez pide a Caballero que compense el “sablazo” de la basura con una rebaja de otros impuestos
Vía xudicial
A alcaldesa advirte de que, «se o Pleno da corporación non recoñece esta débeda, o único xeito que terán os acredores para cobrar as facturas será reclamándoas pola vía xudicial». O goberno local adinata que isto suporía un grave prexuízo económico, “tanto para os provedores, autónomos e pequenas empresas, como para propio o Concello, que tería que asumir un gasto maior, o que prexudica ao conxunto da veciñanza”.
