Os pacientes ingresados nos hospitais da Área Sanitaria de Vigo recibirán o vindeiro martes, 4 de marzo, un menú especial con motivo da celebración do Entroido. O servizo de Restauración servirá un menú diferente composto de cocido de Entroido e, como sobremesa, torta caseira de filloas e crema.
Ademais, para facer máis festiva a xornada, os pacientes adultos recibirán un marcador de páxinas conmemorativo, mentres que os nenos ingresados serán obsequiados cunha divertida máscara de entroido.
«Esta iniciativa, coordinada desde a Subdirección de Humanización e Atención á Cidadanía da Área Sanitaria de Vigo, forma parte do compromiso coa humanización da asistencia hospitalaria, co obxectivo de achegar as tradicións aos pacientes e facer máis amena a súa estancia no hospital».
Con esta actividade, «a Área Sanitaria de Vigo reforza a súa aposta polo benestar emocional dos pacientes, promovendo o arraigamento aos costumes locais e a celebración de datas sinaladas cun toque de proximidade e agarimo», apuntan desde o SERGAS.
Otras noticias
- A falta de médicos deixa ao PAC de Cangas-Moaña ao límite da asistencia sanitaria
- Emoción y adrenalina: llega el Campeonato Gallego Absoluto de Taekwondo a Tomiño
- Vigo despedirá la Navidad con una ocupación hotelera del 75 %, en diciembre
- Exigen a la Xunta que no oculte el financiamiento del Gobierno en la vivienda pública
- Desde el lunes, corte de la VG-20 sentido Vigo por las obras de rehabilitación del viaducto de Porto
- Caballero llama «desalmados» a los responsables de la Xunta y los acusa de «engañar» a Inditex
Preto de 900 menús
O servizo de restauración estima servir 436 dietas basais, destinadas a pacientes sen restricións alimentarias que poderán degustar o menú preparado especialmente para esta data. O resto de pacientes recibirán un menú adaptado a súas doenzas, aínda que sempre que sexa posible estará composto tamén por pratos especiais do menú basal adaptados á dieta prescrita.
Habitualmente, sérvense unha media de 935 menús diarios nos hospitais da área sanitaria, que se elaboran nas instalacións da cociña do Hospital Álvaro Cunqueiro. O servizo conta con 174 persoas entre as diferentes categorías profesionais distribuídas nos tres hospitais.
