Rematan as obras de saneamento no barrio de Outeiro, na parroquia de Pontellas, onde se está a acometer a nova rede de recollida de augas residuais. A obra, que abarca 1 quilómetro de nova rede, permitirá conectar un total de 25 vivendas, beneficiando directamente a preto de 100 veciños da zona.
Este proxecto de ampliación da rede de saneamento ten como obxectivo «optimizar as condicións de vida no barrio de Outeiro, garantindo un servizo eficiente e sostible para a veciñanza«. A nova rede conectarase coa infraestrutura xa existente, o que permitirá unha integración total do barrio no sistema xeral de saneamento do Consorcio.
Ademais en vigoalminuto
- Denuncian que el Sergas incorpora médicos sin la especialidad de Familia, en los PAC del área de Vigo
- Vigo e Nigrán quedarán unidos por unha senda de 14 quilómetros para camiñar e pedalear
- Nuevo pulso por la pantalla gigante: la Diputación lo intentará otra vez para el España-Francia tras el precinto
- Cangas convértese na capital galega do cómic
- Continúa la búsqueda de María Pereira en Redondela, con drones y nuevas batidas tras su desaparición en Vigo
- Zona Franca quiere construir 600 viviendas en Teis, 450 de ellas protegidas de alquiler
160.000 euros
O proxecto foi levado a cabo polo Consorcio de Augas do Louro, cun investimento de 160.000 euros, no marco dun compromiso máis amplo do executivo local por «mellorar os servizos públicos e avanzar cara a unha conexión integral de todo o municipio á rede de saneamento».
Así, o alcalde, Alejandro Lorenzo, salienta a importancia desta obra, “trátase dun dereito básico para todos os nosos veciños, e desde o goberno local seguimos traballando para garantir que todo o municipio conte el. Esta actuación no barrio de Outeiro é só un paso máis cara á completa integración de todas as vivendas do Porriño na rede de saneamento”.
