O domingo foi o día con máis sinistros: 23
Urxencias Sanitarias de Galicia-061 asistiu durante a fin de semana 76 persoas debido a 50 accidentes de tráfico ocorridos nas estradas galegas entre as 3 da tarde do venres e as 12 menos un minuto da noite deste domingo, 25 de setembro.
Os recursos sanitarios mobilizados polos médicos que atenderon as chamadas na Central de Coordinación do 061, foron 73.
Así, as ambulancias asistenciais de soporte vital avanzado asistiron en 7 accidentes; o helicóptero medicalizado mobilizouse en 2 ocasións; as ambulancias asistenciais de soporte vital básico asistiron en 58 sinistros e os equipos sanitarios de Atención Primaria, prestaron asistencia sanitaria en 6 accidentes.
En 67 casos os feridos foron trasladados aos centros sanitarios correspondentes e en 8 ocasións atendeuse no propio lugar do incidente e unha persoa faleceu no punto.
