FOANPAS xunto con ANPA ‘O Tranvía’, ANPA do CEIP Ramón y Cajal,
Asociación Veciñal e Cultural Casco Vello e máis as traballadoras e representantes sindicais, convocan unha nova manifestación ás 12.00h do vindeiro sábado, 13 de marzo do 2021, na defensa da Escola Infantil Municipal Santa Marta.
O percorrido será: saída no cruce de Santa Marta e Torrecedeira, seguirá por esta rúa e Praza de Xoán XXIII.
O Concello fai desaparecer unha Escola Infantil do Barrio do Cura
A devandita convocatoria ven motivada pola ausencia, aínda, dunha
solución axeitada para a derruba da escola. Pola súa banda, o Concello propón unha localización para a nova EIM Santa Marta que «non é a mellor ubicación posíbel por afastar á escola da zona vella».
O Goberno local «fai desaparecer unha escola infantil do Barrio do Cura, deixando orfa de oferta pública a esa parte da cidade, e no seu lugar propón o emprazamento nunha área onde xa hai outra alternativa moi preto (EIM Tomás Alonso)».
A Concellaría de Educación, que dirixe Gorka Gómez, «non garante a apertura de matrícula para as 3 liñas (0-3 anos)».
