As malas condicións laborais, as consecuencias dunha política privatizadora da sanidade, a falla de persoal na Atención Primaria, a falla de inversión ou a «presión» que sofren os profesionais dos Puntos de Atención Continuada (PAC), son varios dos motivos polos cales SOS Sanidade Pública e a xunta de persoal da área de Vigo convocan unha manifestación para o vindeiro 17 de marzo ás 20:00 horas.
Esta convocatoria segue a varias mobilizacións na área viguesa e a que tivo lugar en Compostela o pasado día 9 de febreiro na que participaran milleiros de persoas.
