É por iso que o Bloque Nacionalista Galego presentará no Pleno do Concello unha moción esixindo ao Goberno de Galicia «políticas que favoreza o emprego digno e con dereitos para permitir o retorno da poboación emigrada». Así o explicou o seu concelleiro, Xabier P. Igrexas, sinalando que o texto foi proposto pola Plataforma Social Vía Galega.
O conceleliro do Bloque lembrou que dende 2009 «máis de 216.000 galegas e galegos, dos que 80.000 eran mozas e mozos menores de 30 anos, tiveron que abandonar o País pola falla de oportunidades laborais». Neste sentido, Igrexas resumiu o obxecto da iniciativa en demandar «o dereito a termos un traballo digno na propia terra que lle permita ás galegas e galegos desenvolver o seu proxecto de vida».
Para a formación nacionalista a magnitude da vaga migratoria que supón a «expulsión na práctica de millares de galegas e galegos cada ano» constitúe unha verdadeira «emerxencia nacional e social». Emporiso instan o Goberno Feijóo a deixar de darlle ás costas a esta grave problema e a despregar políticas que aposten «no emprego digno e con dereitos» así como medidas concretas para facilitar o regreso das persoas emigradas.
Con ese obxectivo demandan tamén a creación dunha ponencia no Parlamento par abordar especificamente esta situación, cun calendario de traballo claro e con «conclusión vinculantes que se traduzan en medidas políticas».
Con esta proposta o BNG quere confrontar o relato «cínico e case caricaturesco» que utiliza a Xunta para negar o problema da emigración reducíndoa á «mobilidade laboral ou a unha aventura para a mocidade» agochando o «drama real» que provoca.
