O Concello de Nigrán, a través da empresa concesionaria Aqualia, rematou este xoves a reparación do colector de saneamento na rúa Canido, en pleno núcleo urbán, poñendo así fin aos constantes problemas de afundimentos nesta estrada e as filtracións de augas fecais.
Esta actuación, enmarcada no plan de inspección integral do sistema de saneamento en Nigrán, lévase adiante a tenor da reiterada aparición de fochas na rúa. Así, técnicos da compañía inspeccionaron este punto mediante a introducción de cámaras e confirmaron a sospeita do goberno local de que o colector de formigón estaba afundido, polo que prodeceron a sustitución por un novo de PVC nun tramo de 12 metros.
A idade desta instalación e o paso de tráfico pesado provocaron a rotura, o que a súa vez revertía directamente non so no afundimento do firme, se non tamén en filtracións de augas residuais cara outros puntos.
Nesta campaña de inspección emprendida entre Concello e Aqualia xa foron subsanados os problemas detectados nos colectores do entorno das praias de Patos, Madorra, As Canas e incluso do entorno da Foz na Alameda de San Campio, onde se investiron 80.000 euros na impermeabilización dos pozos de bombeo e selado de colectores.
