O idioma é a vida, dicía Manuel María, frase que a Plataforma Cidadá Queremos Galego recollerá na manifestación en defensa da lingua que se celebrará en Santiago o 17 de maio, coincidindo coa celebración do Día das Letras Galegas, dedicado este ano ao poeta lucense.
Para animar á xente a participar, a plataforma fixo unha lectura pública dos poemas do autor galego no Mercado do Calvario de Vigo, no que participou un alto número de persoas para reivindicar unha política activa en defensa do galego por parte da Xunta.
