A Coordinadora Antiprivatización da Sanidade Pública de Galicia ven de convocar para este domingo en Lugo, A Coruña, Pontevedra e Santiago, mobilizacións da ‘Marea Branca’ para defender a Sanidade Pública “dos ataques por parte do goberno que preside Núñez Feijóo”.
As manifestacións esixirán a derogación das leis que “atentan contra a súde” e denunciarán a redución orzamentaria, a “redución escandalosa de medios e persoal”, as listas de espera “abromadoras”, a caída intolerable da calidade de atención aos doentes e os constantes “colapsos das Urxencias” na sanidade pública de Galicia.
