O presidente do Goberno de Galicia adiantou este xoves, logo da reunión semanal do executivo, que este investirá algo máis de 9 millóns e medio de euros en ampliar a proteción por dependencia a 1.822 cidadáns máis. Alberto Núñez Feijóo subliñou que os pagos se farán nas vindeiras semanas.
O xefe do goberno lembrou que o ano que ven o obxectivo da súa administración é espallar a cobertura a 10.000 novos dependentes e achegarse aos 50.000 en toda Galicia, algo que, sinalou, será posible posto que os orzamentos para 2016 recollen preto de 325 millóns para elo, 26 máis que este ano.
