Salvamento Marítimo continua, dende primeira hora deste venres,a busca dos dous mariñeiros desaparecidos do ‘Paquito II’, afundido fronte ás costas de Corrubedo hai xa dez días, ampliando a área de rastrexo tanto ao norte-ata Punta Insua- coma ao sur-ata a illa de Sálvora-.
Segundo fontes de Salvamento, hoxe participan na busca a Salvamar Sargadelos, o buque da Xunta Paio Gómez Chariño e tres patrulleiras da Garda Civil; por aire, durante a mañá traballará o helicóptero Helimer 215, de Salvamento Marítimo, mentres que pola tarde está previsto que saia o helicóptero Cuco, da Garda Civil. Por terra continuarán o operativo voluntarios de Protección Civil de Boiro e Ribeira, pola liña de costa.
