Unha nova fronte chega a Galicia, deixando unha alerta laranxa por ondas e un aviso amarelo por vento no mar. Segundo informa MeteoGalicia, as baixas presións continuarán localizadas no Atlántico, ao oeste de Irlanda.
Nesta xornada, Galicia atópase con ceos que estarán anubrados e chuvascos durante a mañá que tenderán a desaparecer chegada a tarde, abrindo novos claros. Pola noite, regresarán as precipitacións intensas. Os ventos soprarán de compoñente oeste, moderados en xeral, con intervalos fortes na costa e nas zonas altas do interior. Pola noite, cambiarán a dirección sur con refachos moi intensos na madrugada do xoves.
Nas temperaturas mínimas, os termómetros marcan os 8 grados en Lugo; 10 en Ourense; un máis, en A Coruña; e 12º, en Vigo máis Pontevedra. Os valores máximos oscilan entre os 13º de Lugo e os 16, de Vigo, Pontevedra e A Coruña.
