Barcelona, Madrid, Londres, Le Croisic e Praga sumaranse ás manifestacións convocadas este domingo en toda Galicia contra a sentenza do ‘Prestige’, impulsadas pola plataforma ‘Nunca Máis’
Nas sete cidades galegas e na Mariña lucense, as concentracións empezarán ás 12 (Vigo, na Praza de España), mentres que na emigración está prevista dende as 11 – como o caso de Londres, diante do Consulado español-. En Madrid –Praza de Lavapiés-, en Le Croisic (Bretaña) e Praga –tamén diante do Consulado- serán ao mediodía, mentres que en Barcelona – Plaça Sant Jaume- empezará ás 12 e media.
