Nigrán ampliará a súa oferta turística cun novo proxecto de aloxamento integrado na natureza. O Concello vén de aprobar a licenza para a construción do ‘Glamping Lagoíña’, un campamento turístico na zona de A Telleira-Ceán-Lagoíña, nunha parcela de 12.785 metros cadrados entre os camiños Volta do Médico e Rectoral, na parroquia de Nigrán.
Contará con tendas de acampada tipo glamping, unha modalidade turística que combina a experiencia do contacto coa natureza coas comodidades dun aloxamento convencional, ademais de casetas de recepción, espazos de almacén, aseos e catro cabanas en módulos prefabricados sobre zapatas puntuais. En total, terá unha capacidade máxima de 215 persoas.
O *glamping* é un tipo de aloxamento situado en plena natureza que combina a experiencia de acampar con comodidades e servizos mellorados, como cama, baño privado ou mesmo aire acondicionado. Este termo xorde da fusión das palabras inglesas «glamour» e «camping». Normalmente inclúe tendas xa montadas, cabanas, cúpulas, iurtas ou casas na árbore, ofrecendo un nivel de confort moi superior ao do campismo tradicional. A idea é gozar da contorna natural sen renunciar a certas comodidades propias dun hotel. |
Este proxecto propón unha integración coa contorna forestal, mantendo a vexetación e procurando minimizar o impacto paisaxístico. As edificacións permanentes estarán na zona de acceso, máis próxima ao núcleo rural e á estrada, edificadas integramente con fachada de madeira.
Estas estruturas de servizo ocuparán unha superficie de 440 metros cadrados e non superarán os 2,90 metros de altura, para poder preservar a relación coa paisaxe.
Tres novos espazos turísticos ligados á natureza
O novo glamping engádese a outros dous proxectos turísticos que avanzan no municipio: en febreiro, o Concello de Nigrán concedeu licenza a Organiza Nigrán S.L., – sociedade que en 2011 restaurou e rehabilitou o Pazo de Cea para a celebración de eventos- para a construción de 25 cabanas de madeira elevadas nunha parcela de 1.639 metros cadrados, entre o Camiño do Lavadoiro e Grolos.
Neste caso, o proxecto é un campamento turístico de categoría unha estrela, con aparcadoiro, camiños peonís e peches vexetais nas lindes, posibeis por medio dunha inversión duns 3 millóns de euros.
A estas iniciativas engádese o Ledicia Camper Park, espazo para caravanas inaugurado este verán na rúa Otero Pedrayo, con 131 prazas, piscina, parque infantil, parque canino, zona de grellas, sala de xogos e cafetería.
«Turismo de calidade e respectuoso coa contorna»
O alcalde de Nigrán, Juan González, recibe con entusiasmo estes novos proxectos e salienta aumentan o número de prazas hoteleiras cun modelo turístico diferente.
«É unha moi boa nova para Nigrán porque estamos a gañar en prazas hoteleiras nunha modalidade de turismo de calidade, sostible e moi respectuoso coa contorna, porque precisamente estas construcións buscan a comunión máxima coa natureza e os seus clientes están nesa harmonía», manifesta.
OtRaS NoTiCiaS
- El Concello planta a la Diputación en la comisión de Finca Matías y evita justificar el retraso de una obra millonaria
- Nigrán terá un novo glamping para 215 persoas: así será o campamento turístico que se construirá en Lagoíña
- O BNG denuncia que Povisa recibe 100 millóns da Xunta, mentres medran as esperas e os pacientes marchan
- El embalse de Eiras cae a su segundo peor nivel histórico y se ratifican las medidas de ahorro de agua
- Una expedición científica iniciada en Vigo estudia el impacto de los microplásticos, antibióticos y residuos farmacéuticos en el océano
