A folga prevista no servizo de recollida do lixo do Porriño quedou suspendida tras o preacordo alcanzado entre a empresa concesionaria e os sindicatos, despois de varias semanas de mediación impulsadas polo Concello.
Segundo destacou o goberno local, aínda que o conflito laboral correspondía exclusivamente ás partes implicadas, o Concello decidiu intervir para favorecer o diálogo e evitar o impacto que un paro de cinco días podería ter na salubridade das rúas e na prestación dun servizo esencial.
Neste proceso, o alcalde do Porriño, Alejandro Lorenzo, mantivo diversas reunións tanto coa empresa concesionaria como cos representantes sindicais ata conseguir un compromiso que permitiu desconvocar a folga.
«En xeral é unha boa nova para a cidadanía do Porriño e tamén para os traballadores», sinalou o rexedor, quen amosou a súa satisfacción por un acordo que, segundo indicou, evita a interrupción do servizo e supón unha mellora das condicións salariais do persoal.
«Estou satisfeito porque isto supón poder evitar unha folga e tamén poder mellorar os salarios dos traballadores e traballadoras nun servizo que non se vai interromper», afirmou Lorenzo.
O alcalde tamén quixo agradecer tanto á empresa concesionaria como á plantilla «o achegamento de posturas» que fixo posible acadar un principio de acordo e poñer fin ao conflito antes do inicio da folga.
OtRaS NoTiCiAs
- Muere un vecino de Vigo en un accidente de tráfico en As Neves
- Vigo, clave para la seguridad alimentaria europea
- Hallan muerto a un hombre en avanzado estado de descomposición junto a una nave, en Vigo
- Vigo pone el coche de siempre patas arriba: es la ciudad de España que más apuesta por el renting
- El Concello rechaza el convenio para que la Diputación invierta 1,7 millones en humanizar Rosalía de Castro
