O Programa Cultural Conexións, promovido pola Fundación Mayeusis coa colaboración do Concello de Vigo, prepara para este venres unha nova xornada cultural na cidade que combinará artes escénicas e música ao aire libre.
A programación arrancará ás 12:00 horas na Praza da Pedra coa estrea de OENI: Obxecto Escénico Non Identificado, unha proposta de rúa impulsada por Davide e Clara Ferrao que chega como a primeira actuación teatral desta cuarta temporada do programa.
Conexións amplía nesta edición a súa oferta cultural incorporando as artes escénicas, apostando por formatos participativos e pensados para achegar a creación artística aos espazos urbanos.
O espectáculo está concibido como unha experiencia aberta a todos os públicos na que a danza, a música, o teatro, a palabra e o movemento se mesturan nunha representación dinámica e baseada na improvisación. A proposta pretende converter un espazo cotián da cidade nun escenario vivo e nun punto de encontro coa arte.
Música Dixie, no Paseo de Alfonso
A actividade continuará pola tarde, ás 19:30 horas no Paseo de Alfonso, coa actuación dun grupo de música Dixie, un estilo que xa formou parte da programación de Conexións na pasada temporada.
A formación contará con músicos como Diego Orge na batería, David González ao trombón ou Xeila Martínez ao clarinete, entre outros integrantes, que interpretarán temas coñecidos como Hit the Road Jack ou Hello Dolly.
Con esta nova cita, Conexións continúa levando propostas culturais ás rúas de Vigo coa intención de achegar a música e as artes escénicas ao público nun formato aberto e accesible.
Outras novas
- La pantalla gigante de la Praza da Estrela para ver el España-Bélgica, en duda tras el aviso del Concello a la Diputación
- Vigo prohíbe la música en directo en los chiringuitos, mientras Nigrán sí la permite con límites
- El PAC de Cangas, al límite: denuncian falta de médicos, más presión asistencial y derivaciones desde Moaña
- Prohibido o baño na praia da Armona, na Guarda, tras detectarse contaminación microbiolóxica na auga
- Qué hacer en Vigo y su área este fin de semana: todas las fiestas, conciertos, festivales y planes del 10 al 12 de julio
