A música tradicional galega será protagonista esta tarde no estadio de Balaídos, onde a Banda de Gaitas Arume de Malvas, de Tui, actuará na previa do encontro entre o RC Celta de Vigo e o Levante UD.
A actuación terá lugar no penúltimo partido do equipo celeste como local nesta tempada e coincidirá cunha semana especialmente significativa en Galicia pola celebración do Día das Letras Galegas, adicado este 2026 á xornalista e escritora Begoña Caamaño.
Un novo vínculo entre Tui e o Celta
Este novo acto simbólico reforza a relación entre RC Celta de Vigo e a cidade de Tui, despois de que a presidenta do club, Marián Mouriño, fose pregoeira das festas de San Telmo, consolidando así unha maior conexión institucional e cultural entre ambas entidades.
O alcalde de Tui e a concelleira de Turismo asistirán ao encontro en Balaídos para acompañar á formación musical neste momento especial para a cultura popular galega.
Presenza da tradición no fútbol profesional
A actuación de ‘Arume de Malvas’ simboliza a presenza da música tradicional galega en grandes escenarios deportivos, achegando a cultura popular ao fútbol profesional nun contexto de celebración e visibilidade pública.
Para a agrupación tudense supón unha oportunidade destacada para levar a súa música a un dos estadios máis emblemáticos do fútbol galego.
Outras novas
- Povisa estrena nueva resonancia magnética, que ya funciona a pleno rendimiento
- Más de 40 artistas toman el Centro Comercial Gran Vía durante cuatro días, con un mercado de arte y creación
- Ya puedes apuntarte a la marcha contra el cáncer, que recorrerá Vigo el 18 de octubre
- El Concello asegura que A Punta ha recuperado la «calidad excelente» del agua y vuelve a recomendar el baño
- Balaídos avanza en la nueva grada de Gol con el cuarto tramo de la estructura de la cubierta
