O sindicato médico O’Mega denunciou que a Consellería de Sanidade estaría a “baleirar masivamente” as axendas de consultas antes da folga convocada a nivel estatal en defensa dun novo Estatuto Marco para médicos e facultativos.
Segundo o comunicado da organización, o Sergas estaría a cancelar citas médicas e probas diagnósticas previstas entre os días 27 e 30 deste mes, coincidindo co paro convocado para reclamar ao Ministerio de Sanidade un estatuto propio para o colectivo médico e, en Galicia, a apertura dunha mesa de negociación específica para os facultativos.
O sindicato asegura que numerosos profesionais se atopan agora con axendas completamente baleiras para eses días, mentres os pacientes reciben notificacións de modificación das súas citas sen que se lles indique explicitamente que o motivo é a folga.
Pacientes verán canceladas consultas e probas que poderían reaizarse con normalidade
O’Mega sostén que esta situación pode provocar que algúns médicos que non tiñan previsto secundar o paro se vexan igualmente sen actividade asistencial, ao tempo que numerosos usuarios da sanidade pública ven canceladas as súas consultas e probas que, segundo apuntan, poderían realizarse con normalidade.
A organización sindical cualifica esta práctica como unha posible forma de “peche patronal”, que considera prohibida pola lexislación española, e reclama á Xunta de Galicia que deteña esta actuación.
Segundo denuncian, esta estratexia podería distorsionar o seguimento real da folga -para perxudicar ao Gobeno central e culpar ao Ministerio de Sanidade da falta de atención- ao reducir o número de cancelacións durante os días do paro, ao terse producido previamente.
O sindicato xa presentou un escrito formal para esixir a revisión desta práctica, que considera un “boicot encuberto” tanto ao dereito á folga dos profesionais como ao dereito ao traballo daqueles que non a secundan.
Outras novas
- Detenido tras matar a su pareja en plena calle, en Figueres
- Vigo tendrá una nueva área de cirugía maxilofacial, en el Meixoeiro
- El BNG acusa al alcalde de “simular” políticas de vivienda en la ciudad
- Caballero acusa a la Diputación de deber 6 millones en obras en Vigo
- Colapso do mexillón en Galicia: pechan todas as bateas pola marea vermella
