O centro urbano do Porriño convértese esta fin de semana nun gran escaparate ao aire libre coa celebración da XXXIII Feira de Oportunidades “Merca na Rúa”, unha iniciativa que busca dinamizar a actividade comercial e fomentar o consumo no comercio de proximidade.
O evento, organizado pola Asociación de Comerciantes e Industriais do Porriño (ACIPOR) coa colaboración do Concello, desenvolverase este venres e o sábado, na zona peonil, cun horario continuo de 10:00 a 21:00 horas.
Durante dúas xornadas, os establecementos participantes sacarán os seus produtos á rúa para ofrecer descontos especiais, artigos de tempada e diferentes oportunidades de compra, achegando así a oferta comercial á veciñanza nun ambiente aberto e participativo.
Actividades para toda a familia
Ademais da actividade comercial, a programación inclúe propostas de lecer dirixidas especialmente ao público familiar.
Os máis pequenos poderán desfrutar de inchables o venres de 16:00 a 20:00 horas e o sábado de 11:00 a 14:00 e de 16:00 a 20:00 horas. Tamén se organizarán obradoiros infantís o venres e o sábado entre as 17:00 e as 19:00 horas.
Apoio ao comercio de proximidade
O alcalde do Porriño, Alejandro Lorenzo, apunta á importancia deste tipo de iniciativas para a economía local. Segundo sinalou, “Merca na Rúa permite fortalecer o comercio local, xerar movemento económico e converter o centro urbano nun espazo dinámico e atractivo”.
Lorenzo subliña ademais que “o comercio de proximidade é fundamental para a vida social e económica do municipio, e desde o Concello seguiremos apoiando todas aquelas accións que contribúan á súa promoción e consolidación”.
Con esta nova edición, “Merca na Rúa” consolídase como unha das citas comerciais máis destacadas do calendario municipal, contribuíndo a dinamizar o centro urbano e a reforzar o compromiso co consumo no comercio de proximidade.
Outras novas
- El alcalde denuncia el ataque de Louzán a la candidatura de Vigo al Mundial 2030 y el PP le insta a dirigirse a la FIFA
- Este fin de semana, Vigo se pone al volante del futuro: del Tesla Cybertruck al BMW iX3 en el Salón del Automóvil
- Luisa Sánchez agradece al alcalde Caballero su rectificación y le pide más ambición en ayudas a la vivienda
- O comercio do Porriño toma as rúas coa XXXIII feira de oportunidades “Merca na Rúa”
- Máis de 23.000 paus de batea retirados nunha hora: o Tarugotón volve mobilizar o voluntariado nas praias galegas
