A Xunta de Galicia activou o Plan Inungal debido ao risco de anegamentos provocado polas intensas choivas previstas para este martes, especialmente no interior das provincias de Ourense e Pontevedra. A medida responde aos avisos meteorolóxicos activados polas precipitacións persistentes asociadas ao paso dunha fronte activa que afectou á comunidade nas últimas horas.
Segundo informa a Dirección Xeral de Emerxencias e Interior, durante a mañá manteranse as chuvias xeneralizadas, localmente fortes no sur e oeste de Galicia, aínda que a fronte comezará a afastarse progresivamente. Pola tarde prevese a entrada de chuvascos, máis frecuentes no norte, que tenderán a remitir cara á noite.
A Xunta lembra a necesidade de adoptar medidas preventivas, así como de alertar ou mobilizar os medios e recursos dispoñibles en función da evolución da situación meteorolóxica, ante o perigo de anegamentos en zonas vulnerables.
Outras novas
- A Xunta activa o Plan Inungal ante o risco de anegamentos por choivas intensas
- Un minuto después de ‘apagada’ la Navidad, el alcalde pone en marcha la Reconquista
- Detenido tras amenazar con un cuchillo a un trabajador, en las inmediaciones de Povisa
- Sanidade asegura que la demora media para la asistencia médica en el Área de Vigo es de 4,6 días
- El BNG propone convertir la antigua estación de buses en espacio vecinal y aparcamiento público
Previsión
Como adiantou onte vigoalminuto, no apartado térmico, as temperaturas experimentarán un lixeiro descenso, especialmente nas mínimas, mentres que as máximas apenas variarán. Agárdanse valores máximos de ata 16 graos en Vigo, 15 en Ferrol, Ourense e Pontevedra, 14 na Coruña e Santiago, e 12 en Lugo. A cota de neve irá baixando ao longo da xornada ata situarse nos 1.200 metros ao final do día.
Os ventos soprarán do oeste-suroeste, xirando a noroeste co paso do fronte durante a tarde, con intensidade moderada no litoral. A situación de inestabilidade manterase baixo o dominio das baixas presións, polo que se recomenda extremar a precaución, especialmente nas zonas con maior risco de acumulación de auga.
