O Camiño Portugués da Costa ao seu paso por Vigo acadou en 2025 un total de 89.440 peregrinos, o que representa un aumento do 20% respecto ao ano anterior (74.755) e supón o 16,9% do total de rutas xacobeas en Galicia. Entre estes, destacan 11.000 procedentes de América, 9.500 de Alemaña e 5.500 de Italia, perfís de alto poder adquisitivo que permanecen varios días na cidade consumindo en hoteis, comercios e restaurantes.
Ocupación
A ocupación da rede de aloxamentos xacobeos en Vigo tamén reflicte este crecemento, con máis de 11.000 noites rexistradas ata finais de ano e un uso crecente fóra da tempada alta, particularmente nos meses de xaneiro e febreiro, cun incremento do 41% e do 31%, respectivamente. De media, cada día pasan pola cidade uns 250 peregrinos, xerando un impacto económico directo nos establecementos locais.
Vigo, sen sinalización
O percorrido segue a ser un motor de dinamización turística, aínda que persiste a necesidade de contar con sinalización urbana do tramo que cruza a cidade. «Vigo, por desgraza, e a pesar das promesas, segue sendo a única cidade de Europa que non ten a ruta sinalizada e os peregrinos sofren as consecuencias”, apunta a delegada da Xunta, Ana Ortiz. Desde a declaración oficial do itinerario como ruta xacobea, máis de 300.000 persoas realizaron este percorrido costeiro.
Outras novas
- La Diputación impulsará junto con la Asociación del Casco Vello la candidatura de la Reconquista a fiesta de interés internacional
- O PSdeG acusa a Rueda de ir ao Debate do Estado de Galicia, sen propostas e rexeitando a condonación de 4.000 millóns de débeda
- “Nos haceMOS a la mar”: Nidia Arévalo propone a sus vecinos un crucero por el Mediterráneo
- La Fiscalía recurre el primer permiso penitenciario a Alfonso Basterra, por falta de motivación
- Las petroleras disparan sus beneficios: 81,4 millones extra al día tras el inicio de la guerra en Irán
