O Porriño acollerá este domingo 28 de decembro unha nova actividade incluída na programación de Nadal coa celebración do Roteiro Moteiro, unha proposta festiva que levará ás rúas da vila motor, cor e ambiente propio destas datas. O evento contará coa participación da Vulcan Riders Association Galicia e converterase nunha das últimas concentracións de motos do ano.
Outras novas
- La Diputación impulsará junto con la Asociación del Casco Vello la candidatura de la Reconquista a fiesta de interés internacional
- O PSdeG acusa a Rueda de ir ao Debate do Estado de Galicia, sen propostas e rexeitando a condonación de 4.000 millóns de débeda
- “Nos haceMOS a la mar”: Nidia Arévalo propone a sus vecinos un crucero por el Mediterráneo
- La Fiscalía recurre el primer permiso penitenciario a Alfonso Basterra, por falta de motivación
- Las petroleras disparan sus beneficios: 81,4 millones extra al día tras el inicio de la guerra en Irán
A actividade dará comezo ás 11.00 horas cun percorrido urbano polas principais rúas do Porriño, coincidindo no tempo coa xornada deportiva e social que vivirá o centro da vila. De feito, o Roteiro Moteiro celebrarase unha hora antes do inicio da Carreira de Nadal, completando así unha mañá marcada pola actividade deportiva, lúdica e de lecer.
Os moteiros e moteiras participantes tomarán parte na ruta nun ambiente familiar e distendido, caracterizados como Papá Noel e con elementos decorativos propios do Nadal. Ademais, as motos tamén irán adornadas con motivos destas datas, achegando un atractivo visual adicional ao percorrido pola vila.
Ao remate da ruta, as persoas participantes compartirán un momento de convivencia arredor dun chocolate quente, poñendo o peche a unha cita pensada para fomentar a participación cidadá e o ambiente festivo no Porriño durante as festas do Nadal.
