A palabra ‘xenocidio’ foi elixida Palabra do Ano na campaña do Portal das Palabras, unha iniciativa promovida pola Real Academia Galega (RAG) e a Fundación Barrié. A votación popular pechouse cun total de case 7.200 participacións, das cales 2.948 optaron por este termo, o que representa máis do 40% dos apoios emitidos.
‘Xenocidio’ impúxose así á outra gran finalista, ‘foliada’, que acadou 1.315 votos, arredor do 20% do total. Esta última palabra simbolizou a alegría colectiva vivida en Galicia pola celebración das Letras Galegas dedicadas ás cantareiras, marcando un ano especialmente significativo para a cultura popular.
No terceiro posto situouse ‘lume’, con 843 votos, como reflexo da vaga de incendios forestais que marcou o pasado verán. Moi preto quedou ‘desfeita’, que obtivo 834 apoios, evocando as consecuencias ambientais e sociais derivadas destes e doutros episodios adversos.
Outras novas
- ‘Xenocidio’ elixida palabra do ano en Galicia
- La Policía Nacional detiene a otro de los fugitivos incluidos en la lista de “Los 10 más buscados”
- ‘Collón de Lola’ rende tributo ás cancións do Xabarín Club
- Dos personas aparecen sin vida en una vivienda de Mugardos
- La lluvia se despide hasta el año que viene
A quinta posición foi para ‘loia’, con 686 votos, un termo que fai referencia ás loanzas enganosas e que na actualidade se emprega para definir as informacións falsas ou fake news difundidas a través dos medios dixitais. Pechando a listaxe, ‘retrinco’ ocupou o sexto lugar con 564 votos, como homenaxe á figura de Castelao no marco do seu ano oficial en 2025.
A elección da Palabra do Ano volve poñer de manifesto a capacidade da lingua galega para nomear e interpretar a realidade social, cultural e política do momento, converténdose nun espello das preocupacións e vivencias da cidadanía.
