O Porriño despedirá o ano 2025 de maneira anticipada cunha gran xornada festiva dirixida a toda a veciñanza, que se celebrará o vindeiro 30 de decembro. Trátase dunha cita xa consolidada no calendario cultural e de lecer do municipio, organizada polo Concello e pensada para públicos de todas as idades.
Programación
A programación arrancará pola mañá, ás 11:00 horas, cunha festa infantil na carpa do Parque do Cristo, onde a cativada será a gran protagonista. Os nenos e nenas poderán celebrar o seu propio Pre-Fin de Ano coa actuación do grupo Mamá Cabra, xogos, animación e un pasarrúas con personaxes infantís, creando un ambiente festivo e familiar desde primeiras horas do día.
Xa pola tarde, a partir das 19:00 horas, terá lugar o pasarrúas das rondallas de Santa María do Porriño, da Asociación Recreativa Santa Eulalia de Atios e da Rondalla Cultural Musical de Pontellas, que percorrerán as rúas do centro da vila enchendo O Porriño de música tradicional e espírito festivo.
Uvas, cotillón, chocolate…e a París de Noia
A celebración central dará comezo ás 21:30 horas cunha gran festa de Pre-Fin de Ano que incluirá actuacións musicais e a repartición gratuíta de uvas, cotillón e chocolate quente para todas as persoas asistentes.
A noite continuará coas doce badaladas a medianoite, seguidas dunha sesión DJ a cargo de Dumore e Groove Amigos e da actuación da Orquestra París de Noia. O escenario principal de toda a xornada festiva estará situado na rúa Domingo Bueno.
Outras novas
- El Concello mantiene sin autorización la pantalla del España-Bélgica, tras recibir la documentación complementaria de la Diputación
- La pantalla gigante de la Praza da Estrela para ver el España-Bélgica, en duda tras el aviso del Concello a la Diputación
- Vigo activa los preparativos de la Navidad con un contrato de 610.000€ para la decoración luminosa
- Vigo prohíbe la música en directo en los chiringuitos, mientras Nigrán sí la permite con límites
- El PAC de Cangas, al límite: denuncian falta de médicos, más presión asistencial y derivaciones desde Moaña
