O Bloque Nacionalista Galego (BNG) reclamou este venres ao Goberno do Estado a finalización inmediata da concesión da Autoestrada do Atlántico (AP-9) e a súa transferencia á Galiza. A demanda foi formulada polo deputado do BNG no Congreso, Néstor Rego, durante unha acción reivindicativa realizada na área de San Simón e na peaxe de Vilaboa.
“Amplamente amortizada”
Segundo o BNG, a AP-9 é unha infraestrutura “amplamente amortizada” e cuxa prórroga concesional foi declarada ilegal pola Unión Europea, polo que considera inxustificado que a cidadanía galega continúe pagando peaxes. Rego sinalou que a autoestrada leva máis dunha década operando máis alá do prazo no que, ao seu xuízo, debería terse extinguido a concesión.
A formación nacionalista insta o Executivo estatal a actuar para poñer fin á concesión e priorizar os intereses das persoas usuarias e do tecido produtivo galego, especialmente no Eixo Atlántico, fronte aos da empresa concesionaria. O BNG considera que o actual modelo de xestión ten un impacto negativo na mobilidade, na competitividade económica e na cohesión territorial.
Transferencia
No referido á transferencia da AP-9, o Bloque lembra que a iniciativa lexislativa aprobada por unanimidade no Parlamento galego continúa en tramitación no Congreso dos Deputados. Neste contexto, reclama ao PSOE a retirada das emendas presentadas, ao entender que alteran o contido do texto consensuado pola Cámara galega.
Outras novas
- Un vecino habría cargado a una comunidad de propietarios más de 45.000€ por facturas personales
- Obras de emergencia en la A-55 para reparar el firme entre Vigo, O Porriño, Mos y Tui
- La familia de Déborah Fernández pide que la UCO asuma la investigación de su muerte
- O Porriño reforza o Servizo de Axuda no Fogar cun novo contrato que incorpora un protocolo de riscos psicosociais
- A editorial Cumio lanza un álbum ilustrado infantil sobre Castelao e Virxinia Pereira na colección Miudiños
Incremento das peaxes en 2026
O BNG rexeita tamén o incremento das peaxes previsto para 2026 e solicita ao Goberno do Estado que adopte medidas para impedilo, xa sexa mediante a negociación coa concesionaria ou asumindo o custo a través dos Orzamentos Xerais do Estado. A formación defende un modelo de xestión pública da AP-9, libre de peaxes.
