A celadora da Área Sanitaria de Vigo Loli Rodríguez Rodríguez, traballadora do servizo de Mantemento do Hospital do Meixoeiro, vén de conquistar o Premio Torrente Ballester de narrativa en lingua galega 2024 coa súa novela Nailía. Trátase da segunda obra desta autora lucense asentada en Vigo, que antes de incorporarse ao ámbito sanitario estudou Maxisterio e rexentou durante dúas décadas unha libraría-papelería.
Amor, desamor, rancor, superación, esperanza e perdón
Publicada pola editorial Galaxia, Nailía preséntase como unha “historia de historias” na que converxen temas universais como o amor, o desamor, o rancor, a superación, a esperanza e o perdón. Rodríguez expresou a súa emoción polo recoñecemento recibido, afirmando sentirse “moi agradecida e abraiada pola repercusión, pero sobre todo polo cariño e apoio dos compañeiros e compañeiras do hospital”.
O xurado salientou a calidade da narración, a fluidez da lectura e a capacidade da autora para construír unha novela clásica na forma pero plenamente contemporánea no tratamento das personaxes e dos conflitos. Destacou tamén a presenza de mulleres diversas, as imaxes poéticas que percorren o texto e o bo uso dos diálogos.
Outras novas
- Tras o Mundial chegan as Olimpíadas… ao Porriño: Porrigalia xa está lista
- El Vigo Arena se construirá en Teis: un recinto para 16.000 personas transformará Guixar
- El nuevo ascensor de Juan Ramón Jiménez abrirá en los próximos días, tras superar las últimas pruebas
- Vigo reconocerá al jugador del Celta Borja Iglesias, el primer gallego campeón del mundo
- Trágico desenlace en el Miño: hallan el cuerpo del joven desaparecido, tras ser arrastrado por la corriente
A presentación oficial da obra terá lugar no Culturgal de Pontevedra o vindeiro 28 de novembro, mentres que en Vigo a autora asinará exemplares o 12 de decembro.
