Lazoiro vén de denunciar a existencia dun vertedoiro ilegal en Salvaterra de Miño.«Trátase dun terreo de dominio público, nun camiño lindante coa autovía A-52 na parroquia de Leirado, no lugar de Santa Cristina».
Dende a asociación apuntan que foron varios veciños os que alertaron da existencia do mesmo, así mesmo, lembran que a concentración de pneumáticos e outros materiais contaminantes pode favorecer de maneira notable a proliferación de pragas (coma mosquitos ou roedores), incrementa de xeito considerábel o perigo de incendios, especialmente durante os meses de maior seca e provoca a liberación progresiva de substancias tóxicas que acaban filtrándose ao solo e ás augas subterráneas.
Outras novas
- La Diputación impulsará junto con la Asociación del Casco Vello la candidatura de la Reconquista a fiesta de interés internacional
- O PSdeG acusa a Rueda de ir ao Debate do Estado de Galicia, sen propostas e rexeitando a condonación de 4.000 millóns de débeda
- “Nos haceMOS a la mar”: Nidia Arévalo propone a sus vecinos un crucero por el Mediterráneo
- La Fiscalía recurre el primer permiso penitenciario a Alfonso Basterra, por falta de motivación
- Las petroleras disparan sus beneficios: 81,4 millones extra al día tras el inicio de la guerra en Irán
Deterioro da calidade de vida
Ademais, dende Lazoiro subliñan que «as parroquias son parte esencial da identidade do noso concello, polo que o abandono e o deterioro destes espazos afecta directamente á calidade de vida da veciñanza», así como á imaxe que Salvaterra proxecta. Permitir a permanencia deste tipo de vertedoiros “afea o rural, desvaloriza o territorio e transmite unha mensaxe de descoido institucional”.
Por todo isto Lazoiro denunciou no rexistro do Concello de Salvaterra a súa localización, acompañada de fotografías, para que procedan de maneira urxente a retirar os residuos e restaurar a zona afectada, investigar a orixen e aplicar as sancións correspondentes co fin de evitar que situacións coma esta se repitan.
