A conselleira de Vivenda e Planificación de Infraestruturas, María M. Allegue, participou hoxe de maneira telemática na Conferencia Sectorial de Vivenda, na que se abordou como único punto da orde do día a convocatoria do Bono Aluguer Xove 2025.
Galicia contará coa mesma contía que no ano 2024, cun total de 11,4 millóns de euros, o que supón o 5,7% do total estatal. A conselleira atribuíu esta situación á falta de orzamentos aprobados polo Goberno central, ao que recriminou a súa “incapacidade” para sacar adiante as contas do próximo exercicio.
Ampliación da convocatoria
Ante este contexto, a Xunta prevé ampliar a convocatoria de 2024 co obxectivo de beneficiar ás persoas solicitantes que non puideron acceder ás axudas polo esgotamento dos fondos. Allegue lamentou que a falta de flexibilidade e planificación do Ministerio de Vivenda “lastre un programa do que están pendentes moitos mozos galegos”.
O Consello de Ministros aprobou hai dúas semanas a distribución territorial das axudas do Bono Aluguer Xove 2025, cun importe total de 200 millóns de euros para o conxunto das comunidades autónomas e as cidades de Ceuta e Melilla.
Outras novas
- Un operario muere y dos resultan heridos, tras ser atropellados por una grúa en la A-8
- La transformación de Praza de España avanza con nuevos convenios urbanísticos y más zonas verdes
- Os vigueses chamados a acudir á manifestación de SOS Sanidade Pública, este domingo en Santiago
- Vigo entra en la liga de la fotónica europea: ‘Sparc’ arranca su planta de chips de última generación
- Vigo invierte en su Casco Vello: 15 millones para renovar edificios y crear nuevas viviendas
💶 Axuda directa de 250 euros ao mes
O Bono Aluguer Xove ofrece unha axuda mensual de 250 euros durante un máximo de dous anos, dirixida a facilitar a emancipación da mocidade e garantir o acceso a unha vivenda ou habitación en alugueiro ou cesión de uso.
🤝 Compatibilidade con outras axudas
A medida é compatible con outras prestacións, como o Ingreso Mínimo Vital ou as prestacións non contributivas da Seguridade Social, sempre que o total non supere o 100% da renda do alugueiro. No caso de combinarse coas axudas do Programa de apoio ás persoas novas e ao reto demográfico, o límite conxunto situarase no 75%.
A Xunta continúa á espera da aprobación do novo Plan Estatal de Vivenda, un documento que, segundo Allegue, “chega tarde” e pode poñer en risco varias liñas de apoio nun momento no que o acceso á vivenda é unha das principais preocupacións da cidadanía
