O Concello de Gondomar superou os 850 participantes nas súas actividades deportivas, culturais e de verán. «Esta ampla participación reflicte o esforzo institucional por promover un verán activo, saudable e con oportunidades reais para a infancia e a xuventude do municipio», apunta o alcalde, Paco Ferreira.
Entre as iniciativas destacadas inclúense disciplinas como voleibol, baloncesto, patinaxe artístico, tenis, fútbol gaélico, tenis de mesa ou ximnasia de mantemento, así como actividades lúdicas, culturais e de conciliación familiar. Ademais, a programación contou con campus dixitais, cursos de iniciación á escalada, talleres de surf e sesións de freestyle nas tardes, ofrecendo unha oferta variada e adaptada a diferentes idades e intereses.
Conciliación, acceso ao deporte e impulsar valores como a inclusión
Ferreira subliña que “o Concello ten como responsabilidade favorecer a conciliación familiar, facilitar o acceso ao deporte e á cultura desde a infancia e apostar por espazos que impulsen valores como o compañeirismo, a inclusión e o benestar”. Ademais, o alclade ponen valor o traballo conxunto cos clubes deportivos locais e entidades colaboradoras, que fixeron posible este éxito de participación.
Tamén en vigoalminuto
- Detenida una mujer armada, tras intentar atracar un local en la Gran Vía
- Cíes llena por primera vez, esta temporada
- Conflicto por el aeropuerto de Vigo: Caballero acusa a la Xunta mientras se negocian nuevas rutas aéreas
- ¿Hay proyecto o no hay proyecto para ampliar la grada de Tribuna y optar al Mundial 2030?
- La UE pide reducir la velocidad y teletrabajar para ahorrar combustible, tras el bombardeo a Irán
Este esforzo enmárcase nunha estratexia municipal que busca reforzar a presenza pública nas actividades de xuventude, lecer e deporte, ofrecendo «alternativas accesibles, inclusivas e de conciliación», para todos os veciños e veciñas. «O Concello aspira a manter e mellorar esta oferta nos vindeiros anos, recollendo a experiencia desta edición e as achegas das familias participantes».
