Milleiros de persoas denunciaron este sábado nunha manifestación polas rúas de Santiago, a persistente falta de profesores e de recursos, tal e como advertiran antes de que comezara o curso, hai xa unha semana.
A mobilización, convocada pola CIG e apoiada polas ANPAS, organizacións estudiantís e colectivos docentes, serviu para denunciar a fallada planificación da Consellería de Educación e alertar das moitas incidencias que estanse a producir nos centros de ensino pola falta de persoal docente, a sobrecarga de traballo e o elevado número de alumnos por aula, todo iso debido aos «anos de recortes da Xunta». de profesorado e recursos no sistema educativo galego, tras o inicio do curso esta semana.
Faltan 800 profesores e profesoras
Baixo o lema «Rectificar, recuperar, recoñecer», os responsábeis sindicais repetiron a súa advertencia de que, dacardo cos datos da propia Consellería de Educación, en Galicia faltan 800 profesores, o que fixo que máis de 5.000 alumnos e alumnas estivesen sen profesor boa parte das xornadas lectivas.
O apoio á convocatoria, entenden os responsábeis da CIG, deixou en evidencia a propaganda que durante os últimos días despregou a Consellaría a respecto dos datos de alumnado e profesorado neste curso.
Así, a secretaria nacional da federación nacionalista, Laura Arroxo, en declaracións aos medios volveu instar ao conselleiro a que dea o dato por etapas e niveis educativos «porque o único profesorado que aumenta é o da FP, que o contan nas cifras globais porque lles favorece pero non contan este alumnado, mentres que en infantil e primaria estes dous últimos anos o que hai son contratos precarios financiados con fondos europeos, como MEGA o Proa+, nos que a Xunta non pon un euro, polo que o número de profesorado é igual que nos últimos catro anos».
Apoiar a folga do vindeiro día 25
Arroxo incidiu, ao remate da manifestación na Praza de Praterías ,en que «é preciso prepararnos para unha loita que non será doada pero que é necesaria. Trátase de dereitos si, pero tamén de dignidade, a que nos roubaron ao profesorado con recorte tras recorte nos últimos anos, e a do ensino público, practicamente esmagado e que ten que pedir esmolas para funcionar baixo mínimos».
Por iso lembrou a importancia de secundar masivamente a folga convocada para o próximo 25 de setembro e apelou a todo o profesorado asistente a convencer ao resto de compañeiras e compañeiros «de que resignarse non é unha opción«.
Así, a representate da CIG sinalou varias necesidades do profesorado, incluídos auxiliares e especialistas en diversidade funcional, que requiren dunha planificación e dun aumento de recursos que a Xunta non está a dedicar.
«A Consellaría quita profesorado dos cupos dos centros de secundaria e FP, recorta en persoal para atención á diversidade -tanto profesorado, como auxiliares coidadores, como a rede RAOGAL-, recorta na formación docente. Manipula as cifras dicindo que medio profe aquí e medio alí son dous profes, precarizando até o infinito as condicións laborais de persoal interino e substituto a quen lle segue negando o cobro do verán», declarou.
Valorar, atender, coidar o persoal docente e as familias
Laura Arroxo incidiu en que «cómpre recoñecer, é dicir, valorar, atender, coidar… o persoal docente e as familias, que son quen apoian e sosteñen o ensino público malia o abandono da administración«. Para iso, fixou como obxectivo «recuperar» os dereitos arrebatados nos últimos anos, sobre todo a respecto do horario lectivo, as 18 horas en secundaria e 21 en primaria.
«O profesorado está farto de non chegar, de que non poder atender como se merece o alumnado e de que este quede sen os apoios ou desdobres que necesita».
